Overblog Suivre ce blog
Editer l'article Administration Créer mon blog
20 février 2009 5 20 /02 /février /2009 18:20

Année 1530- Lanvollon, Lannebert
Anne Rolland et Nicolas du Bourne, aveux des terres.







7 Janvier 1530 – Lannebert

Tenue de Nicolas du Bourne 

Anne Rolland en datte du VIIe

janvier an Vc XXX

 

« Sachent tous que en nostre court de Lanvollon en droict ont estez presentz et personnellement establys

Nycollas du Bourne et Anne Rolland sa compaigne et femme expouse sieur et dame du Bourne

a la quelle femme et a sa requeste ledict du Bourne son mari a donné et done ses auctorite  pouvoir  

licence et assentiment de fere greer jurer tenir et fournir tout le contenu en cestes et que   

…… lesquelz mariez et chacun d’eulx ont esté et sont davant nous nottaires soubzscriptz

stipulante pour partie ayante interestz congnoissantz et confessantz tenir prochement nuement et en

foy proche et lige de nostre dicte court les heritaiges maissons rentes et pieces de terre qui ensuivent   

et premier savoir icelluy du bourne une piece de terre en pre sur la ripviere de

Liem d’ugn costé sur terre aux heritiers feu Jouhan Lappert et esch..... d’ugn cheff

sur ladicte ripviere de Liem et d’aultre cheff sur ugn chemin menant de la chappelle monsieur

Sainct Maudez au molin de la Roche Item une aultre piece de terre joignant d’ugn endroict

sur terre feu Guillaume Le Tanery (Tavery ?) d’aultre endroict sur terre feuz Richart Sollon et sa femme

a cause d’elle et esch..... d’ugn cheff sur le chemin menant de la ville de Lanvollon

a la chappelle Nostre Dame de Liscournou Item une aultre piece de terre joignant d’ugn

costé sur terre feue Guillemette Pezdron d’aultre costé sur terre feu Richart Sollon

et sa femme a cause d’elle et esch..... d’ugn cheff sur le chemin menant dudict Lanvollon

a ladicte chappelle Nostre Dame de Liscournou Item une aultre piece de terre appellé parc

keroelec joignant de deux endroictz a terre Margaritte Le Chevanton et d’ugn cheff sur le

chemin menant dudict Lanvollon a ladicte chappelle Nostre Dame de Liscournou subjett a la

dyme du Beusit appartenant a nostre dicte court Item deux pieces de terre s’entrethenans d’ugn

endroict appellé parcou en vourge d’aultre endroict a terre Jehan Kervegant sieur de Penen-

lan et d’aultre endroict sur le chemin menant de ladicte chappelle monsieur Sainct Maudez

a la lande du Beussit Item une aultre piece de terre appellé parc en quayvessou joignant

d’ugn endroict a terre ………………… (pliure du parchemin) ………………………………..

chemin entredeulx et d’aultre endroict sur terre ……………................. Item une

aultre piece de terre appellé parc en yryen joignant d’ugn endroict a terre aux heritiers

dudict Yvon Michel d’aultre endroict a terre Michel Tarnel (Tarvel ?) et d’aultre endroict sur terre Jouhan

Le Hyr Item une aultre piece de terre appellé parc lan en beuff joignant d’ugn costé

a terre Raoul Poences d’aultre costé sur le chemin menant dudict Lanvollon a la ville de

Pempoul et esch..... d’ugn cheff sur une yssue nomée l’yssue du Bourne

Item une aultre piece de terre nomée lan en picardes joignant d’ugn endroict a terre

Sevestre Rolland sieur de la Ville Basse d’aultre endroict sur terre aux heritiers feu Charles

Le Bras et esch..... d’ugn cheff sur le chemin menant de Lanvollon a Pempoul Item

une aultre piece de terre nomée en messo adou joignant d’ugn costé et d’ugn cheff sur

terre Pieres Rivallen et sa femme a cause d’elle et d’aultre cheff sur terre aux heritiers

feu Robin Bruiere Item deux aultres pieces de terre s’entrejoignant l’ugn a l’aultre d’ugn endroict

sur terre aux heritiers feu Sevestre Le Corre sieur en son temps de Keruzare et d’aultre

endroict sur le chemin menant dudict Lanvollon au villaige de Lesveder (?) Item une

aultre piece de terre parc million joignant d’ugn costé et d’ugn cheff sur

terre aux heritiers feue Margarite Nicoll et d’aultre costé sur le chemin menant de Lanvollon

au villaige de Lesveder. Item deux solz seix deniers de rente …… par chacun an a chacun

terme de Noel deuuz audict du Bourne dessus la maison et courtil qui aultrefois

fust feu Mauri Ba…us et qui a present est a Thebault Rolland estant jouxpte   

le domicelle dudict Thebault Item aultre piece de terre appellé ruegant joignant d’ugn

costé et d’ugn cheff sur terre Sevestre Pommeret et d’aultre costé sur terre Robin Le Bras

Et ladicte dame du Bourne une maesson pourte et jardrin de jouxpte ou demeure

Jan Penroz au Petit Kergoet jouxpte la maisson Marie Jagu d’ugn endroict

d’aultre endroict a terre de ladicte Marie Jagu et d’aultre endroict sur le chemin menant

dudict Kergoet le petit a Lanvollon Item ungn courtil a lin pres ladicte maisson

joignant d’ugn costé a terre Louys Bizien sieur de Kerguydoc d’aultre endroict a terre

Bertram Pen et d’aultre endroict sur le chemin menant dudict Kergoet a Lanvollon Item

une maesson estant en la ville de Lanvollon ou a present demeure Pierre Berthou joignant

d’ugn endroict a la maesson Sevestre Rolland sieur de la Ville Basse d’aultre costé a la

…………….. Estiene Larmes et d’ugn bout sur la r….. ………………………………

………………… Lanvollon a la chappelle monsieur Sainct Jehan estante audict Lanvollon

a cause desquelles ………………(pliure du parchemin) ………………………………..

lesdicts sieur et dame du Bourne ……… (pliure du parchemin) ……………………..

court et en deuvoaient faire foye homage et poier chambellaige quant le cas y eschut

et fere toutes ………  que la nature du fyé le requiert et que la coustume du pays

le permest et que les demeurans esdictes maessons sont subjectz pourter leurs bles

mouldre es moulins de nostre dicte court et porter leurs pattes cuyre au four

d’icelle et en poyer deuvoers de …… …….. et de fermage a la coustume et faire touts

aultres devoers seigneuriaulx comme homme subject le doit a son seigneur lige et proche et

pour adveux et ….. ………. et bailler par escript de ce que dessus ledict du Bourne

et sadicte femme … ont obmis a le y mestre aleurs quil viendra a leur congnoissance

y croistre et dyminuer aultrement le refformer sy ………… est que  …….

lesdicts du Bourne et sadicte compaigne icelluy du Bourne et sadicte femme ont

faict fere former et passer cestes par nostre dicte court pour les bailler et presenter

au procureur d’icelle pour luy valloir et servir comme apartiendra quant congnoissance

….. …….. promectre greant et jurant par leurs signes ( ?) et sur l’obligation de touz

leurs biens ……….   bien et loyament le tenir et jamais n’aller encontre

et ont esté condampnés donné tesmoign de ce cas …. …… a leurs

recquestes des nottaires et tabellions soubzscriptz et scellé du sceau estably

aux contractz de nostre dicte court ce fust faict gré et juré en la ville de

Lanvollon en la maison Yvon ….. le VIIe jour de janvier l’an mill cinq centz

trante. »

Traduction de M.Philippe Caron

Partager cet article

Repost 0

commentaires

Présentation

  • : ROLLAND de la Ville Basse et de Kermorin en GOËLO
  • ROLLAND de la Ville Basse et de Kermorin en GOËLO
  • : Histoire de la Bretagne et Généalogie de la Famille ROLLAND de La Ville Basse, du Tertre, de Beauregard, de Périmorvan, de Kersos, de Kermorvan, de Kermorin
  • Contact

Recherche

Pages