Overblog Suivre ce blog
Editer l'article Administration Créer mon blog
4 mars 2009 3 04 /03 /mars /2009 23:20

1652 : CURATELLE de la petite fille de l'écuyer Gilles Rolland de Kermorin; Louise Françoise Jehannot.
2F 144-Musée Condé-Chantilly


Première page

dernière page

traduction du texte par M.Philippe Caron que je remercie pour tout ce travail.

« Du vandredy sixiesme jour de septembre

mil six centz cinquante et deux par la cour de 

Lanvollon devant monsieur le seneschal et monsieur le  

substitud ordinaire du sieur procureur d’office de ladite

cour au tablier du greffe

 

Pour la pourvoiance de damoiselle Louise Françoise

Jehannot fille, et unicque heritiere de deffunct

nobles gentz Raoul Jehannot, et Françoise

Rolland sa compagne en leur vivant sieur et dame

de Kerguistin, a esté le re… ledit substitud

du sieur procureur d’office faict apel et enoncé

des parantz cy apres

 

Scavoir de l’estoc paternel

 

Escuyer Jan Jehannot sieur de Kergellot frere dudit

deffunct sieur de Kerguistin presant en personne F.  

Morel advocat et procureur quy a dict estre d’advis

que la charge de tutteur et curateur fin….

nomme ledict sieur de Kermorin Rolland pour avoir la charge de

tutteur et curateur de ladicte mineure et en cas

d’excusse escuier Jan Rolland sieur de Kerzos

 

Messire Renné Berthou seigneur de Kerversiou 

conseiller du roy juge magistrat criminel

de Rennes par Fr : Morel advocat et procureur 

en vertu de pouvoir de luy escript et signé et

datté du 29me aoust dernier parant au quart

degré de la mineure quy nomme pour avoir

la charge de tutteur et curateur de ladite damoiselle Louise

Françoise Jehannot escuier Gilles Rolland sieur de Kermorin ayeul maternel

et estre d’advis que les successions 

desdits deffunctz sieur et dame de Kerguistin soient  

soubz et au benefice d’inventaire

 

 

page 2 :

 

Nobles homs Claude du Boisgelin mary espoux

de dame Jullienne Berthou sa compagne seigneur

et dame de la Ville Marquier, ladite dame parante a ladite

mineure en pareil degré que ledit seigneur de Kerversiou

son frere

 

Nobles homs Guillaume de Rosmar seigneur de Sct George

parant en pareil degré de ladite mineure present

en personne F. Morel advocat et procureur quy nomme pour

avoir la charge de tutteur et curateur de ladite

damoiselle escuier Gilles Rolland sieur de Kermorin

et est d’advis que les successions desdits deffunctz

sieur et dame de Kerguistin soit acceptez soubz benefice  

d’inventaire

 

Nobles homs Jullien Henry mary espoux de

dame Pezronnelle de Rosmar seigneur et dame

de Beauchamp de La Ville Urvoa etc ladite dame

parant de ladite mineure au mesme degré que

ledit seigneur de Sct George son frere ledit seigneur

de Beauchamp presant en personne

qui est de pareil advis tant pour l’institution

que l’acceptation des heredités

 

Escuyer Yves Jehannot sieur du Penquer cousin

germain dudit deffunct sieur de Kerguistin represanté

par Me François Morel advocat et procureur en vertu de procure

en datte du quatriesme du present mois deuuement garenty

quy a dict estre en ladite qualité de pareil advis

que les autres parantz cy devant sauff les droitz

et pretentions en ladite succession

 

François Jehannot escuyer sieur de Kervegan aussy cousin

germain d’icelluy deffunct a comparu en pareil

par ledit Morel en vertu du mesme pouvoir

quy faict en ladite qualité pareille declaration

pour ledit sieur de Quervegan

 

Escuyer Jan Rolland sieur de Kersoz mary espoux de

damoiselle Marie du Boisgelin sœur germaine de la

mere dudit deffunct present en personne quy est

de pareil advis que les autres parantz cy

devant

 

 

page 3 :

 

Escuier Jan Hingant sieur de Kergroix aussy mary espoux

et procureur en droict d’autre damoiselle Marie du Boisgelin ( Isabeau)

ladite du Boisgelin parante au quart degré de ladite

mineure presente en personne quy nomme en pareil

ledit sieur de Kermorin pour avoir ladite charge

et en cas d’excusse escuier Jan Rolland sieur de

Kerzos et pour l’acceptation desdites successions

est de pareil advis que les autres parantz

cy devant

Escuyer Guillaume Berthou sieur de Kerilly parant de la mineure

au quart degré present en personne qui nomme

en pareil ledit sieur de Kermorin pour avoir ladite

charge et en cas d’excuze nomme le sieur de

Kerzoz Rolland

 

Damoiselle Rennée du Boisgelin dame du Run parente

es mesme degré que ladite dame de Kergroix

par ledit Hingant se portant son advocat et procureur

qui est de pareil advis


 

Escuyer Regnault de Leon sieur de Kerleau parant au

quart degré de ladite mineure presant en personne

quy est de pareil que ledit sieur de Kermorin aye

la charge de tutteur et curateur de ladite

mineure

 

Maury Suasse escuier sieur de Kerprat

mary espoux de damoiselle Françoisse

de Rosmar sa compaigne parente      en cour

au tiers degré dudit deffunct sieur de Kerguistin

L. Compadre son advocat et procureur en vertu de procure

passé par la cour de Couetmen datté du

second jour du present moys quy declare

nommer ledit sieur de Kermorin pour avoir

ladite charge et en cas d’excusse

escuier Jan Rolland sieur de Kersoz fin….

Guillaume Berthou sieur de Keryly et en

cas d’excusse ledit sieur de Kerzoz Rolland

et en cas de l’institution de l’un des deux

qu’ilz se gouverneront par l’advis dudit sieur de Kermorin  

et du sieur recteur de Plouha et que lesdites  

successions soient accepté soubz benefice d’inventaire

 

page 4 :

 

 Maternels

 

Ledit Gilles Rolland sieur de Kermorin ayeul

maternel de ladite mineure present a dict que combien

que par la disposition de nostre coustume la garde

et curattelle de sa petitte fille luy appartienne

preferablement a tous autres autrement qu’au respect

de l’ayeul paternel que l’on scait estre maintenant

et trois ans sont ou plus indisposé de sa personne

et neanmoinz pour monstrer que ne desire point ladite

charge sy la parenté en veut nommer d’autres

qu’ilz jugeront plus capable il declare aussy

en cedit cas nommer pour avoir ladite charge escuier

Guillaume Berthou sieur de Keryly et a dict

ladite mineure estre aigé de trois ans et deux mois

 

 

Escuier Martin de Keruzec sieur de Runeber parant au

quart degré de la mineure presant en personne

qui nomme ledit sieur de Kermorin pour

avoir ladite charge et en cas d’excusse

ledit sieur de Kerzos et pour l’acceptation des

successions estre d’avis qu’elles soient accepté par le

curateur qui sera institué et les accepte par benefice d’inventaire

 

Escuier Rolland Perret sieur de Kerian parant en pareil  

degré ou au cinquiesme present en personne

qui est de pareil advis et nomination

 

Escuier Jacques rolland sieur de la Ville Basse et

du Tertre presant en personne parent

a cinquiesme degré qui dit nommer ledit sieur

de Kermorin et en cas d’excusse ledit

sieur de Kerzos

 

Encore ledit sieur de Kersos en son privé present

en personne quy reppette la nomination par

luy cy devant faict de la personne du

sieur de Kermorin et en cas d’excusse ledit

sieur de Keryly Berthou

Page 5 :

 

Noble et discret missire Yves Rolland sieur du Dreslan  

parant en pareil degré que ledit sieur de Kersos son

frere presant en personne quy faict pareille declaration

et nomination

 

Escuier Anthoine Guillou sieur de Kervernier cousin germain

dudit de Kermorin presant en personne qui est

de pareil advis et nomination et ce  ….. …..

 

Escuier Jan Raison mary espoux et procureur de droict  

de damoiselle Claude Chaillou sieur et dame de Kerriou

ladite dame de Kerriou parante au quart degré

de ladite mineure ledit Morel leur advocat

 

Escuier François du Louet aussy mary espoux de damoiselle

Janne Chaillou sieur et dame de Kermellec ladite Chaillou  

parente es mesme degré de ladite mineure que

ladite dame de Kerriou par ledit Morel tant pour

ledit sieur et dame de Kerriou que pour lesdits sieur et dame

de Quermelec en vertu de procure du jour d’hier gré par

par la cour ducalle de Guingamp qu’il a pr…. un heure un

la communiqué au sieur de Kerielot portante pour

expres de nommer ledit sieur de Kermorin pour avoir

charge et pouvoir d’accepter lesdites successions soubz benefice

d’inventaire fin ladite procure apparu en l’androit

 

damoiselle Claude de Coalloet dame douairriere de Penenguer  

soeur de damoiselle Françoise Calloet dame de Kermorin

ayeulle maternelle de ladite mineure

 

Noble et discret missire Jacques Cadier sieur de Lannogan  

scolasticque, et chanoine en l’eglise catredalle de

Treguier

 

Et noble et discret missire Jan Cadier sieur de Kerderien tous

trois comparus et represantez par maistre François Morel

leur advocat et procureur en vertu de procure qu’il a aparu en

 

page 6 :

 

l’endroict passée par la jurisdiction des Regaires

de Treguier le 4me 7bre present mois et y deuvuement

garantye et scellée quy a declaré que lesdits sieur de

Lannogan et de Kerderien sont cousins germains

de ladite deffuncte dame de Kerguistin, et en ceste

quallité estre d’advis pour eux et pour ladite dame

de Penenguer leur mere que la garde et curatelle

de ladite mineure soit baillée audit de Kermorin

son ayeul maternel comme le parant le plus

utille et profitable pour icelle mineure, comme

estre d’advis que celuy quy demeurera en ladite

charge face declaration pour ladite mineure

de renoncer a la comunitté d’entre lesdits feu sieur et

dame de Kerguistin, et que la succession imobilliere

de ladite deffuncte Rolland et la succession tant

heritelle que mobilliere dudit feu sieur de Kerguistin

soient prinses et acceptées soubs benefice d’inventaire

 

 

 

 

Noble et venerable missire Phelippes de Gourvinec (?)

sieur du Mes….. chanoine en l’eglise de

Treguier comparu par ledit Morel son advocat

et procureur en vertu de procure du vingt et

sixiesme aoust dernier deuement garenty qui faict

pareille declaration et nomination que ladite

dame de Penenguer et ses enfans

 

Escuier Pierre Merien sieur du Querou cousin

germain dudit de Kermorin par ledit Morel

 

Escuier Renné Merien sieur de Trovernier (?) aussy

cousin germain dudit aieul maternel pareillement

represanté par ledit Morel en vertu

 

de la mesme procure cy devant datté du jour de

hier dernier passé par la cour ducalle de

Guingamp quy faict pareille nomination et

declaration que celles desdits sieur et dame

de Kermellec et Kerriou y recours

 

 

page 7 :

 

Dont et de tout quoy avons decerné

acte esgard a l’advis des parentz cy

dessus ouy et le consant (?) le substitud

du sieur procureur fiscal de cette cour avons institué

ledit sieur de Kermorin ayeul matternel en

la charge de tutteur et curateur de ladite

damoisselle mineure et en consecquance

ordonne que ledit sieur de Quermorin preste

le serment de soy bien et fidellement comporter

en ladite charge ce qu’il a faict presantement

et a luy enjoinct de ce faire par ce que …..

tous les parentz nominateurs demeureront

causions subsidiaires. En l’endroict

ledit sieur de Kermorin a declaré en ladite qualité

conformement a l’avis de messieurs les

parantz renoncer a la communité d’entre

lesdits deffuncts sieur et dame de Kerguistin et

prendre lesdites successions imobilliere de ladite

deffuncte Rolland et celle du feu sieur de

Kerguistin tant mobilliere que immobilliere

soubz benefice d’inventaire dont en pareil

a esté decerné acte et icelluy receux

a accepter lesdites successions soubz et pour

benefice d’invantaire comme aussi audit renoncy

et pour faire les bannis pour parvenir

a la solemnité desdits benefice

commission decerné a tous sergends et

ordonnance le recquerant ledit sieur curatteur

reserve d’ordonner pour la pention

et education de ladite damoiselle mineure

passe de la rendue et rapport de

l’invantaire et confection du gros

du bien desdites successions et des

conclusions du sieur procureur

d’office ou son substitud et

ordonne que les parentz


page 8 :

 

presantz soubzsignent leur

declaration et a valloir et serve

comme il appartiendra a esté en pareil

ordonné que les procure

et pouvoir cy dessus demeurent

au greffe par original, et en l’endroit

ledit sieur curatteur a denoncé audit

substitud du sieur procureur d’office que nobles

gens Rennée et Anne Jehannot

 

sont impourveus a present de curateur

le sommant de faire ce qui luy incombe

sur ce ouy ledit sieur substitud a recquis

que ledit Rolland

audit nom luy baille nommination et

liste de sieur (?)  parentz des mineurs

mantionné en sa remonstrance pour

faire signiffier et parvenir a ladite

pourvoyance ; faisant pareille sommation

audit sieur de Kergelot a quoy ledit Rolland a

dict n’estre tenu au… que ledit substitud

doit ce pourvoir vers ledit sieur de Kergelot

de quoy ledit substitud proteste de nulité

des dire et declaration dudit sieur de Kermorin

et persiste en ses requisitions et

sans prejudice requerit que invantaire

soit appointé pour la conservation desdits

mineurs et que injonction soit faite

au soubzscript greffe de se transporter

sur les lieux ou lesdits mineurs

ont interestz pour apposser les ceaux de

cette cour en l’androict ledit sieur de

Kergellot mayntient qu’il y a inventaire

de quoy ledit substitud declare n’avoir

auchune cognoissance et demande

la communication laquelle luy a esté adjugé

par les mains dudit sieur de Kergelot et

ce dans quinzaine et acte de ce que

lesdits seigneurs de Sainct Jorge

 

 

page 9 :

de Beauchamps de Kerleau et de

Kerzois ont nomé pour curateur

desdites Renée et Anne Jehannot

fin entendu la contrarité des advis

des parentz presantz a esté ordonné que

deliberont tant les presantz que

absantz positivement (?) pour la provision

desdites Renée et Anne Jehannot d…

…….. a laquelle ….. les presantz

sont assignez d’exploit de cour et

seront les deffaillantz reintimer

a la diligence dudit sieur de Kergellot

 

 

 

Signatures…..

 

 

 

Partager cet article

Repost 0

commentaires

Présentation

  • : ROLLAND de la Ville Basse et de Kermorin en GOËLO
  • ROLLAND de la Ville Basse et de Kermorin en GOËLO
  • : Histoire de la Bretagne et Généalogie de la Famille ROLLAND de La Ville Basse, du Tertre, de Beauregard, de Périmorvan, de Kersos, de Kermorvan, de Kermorin
  • Contact

Recherche

Pages